Háliidatgo leat fárus ráhkadeame máilmmi deháleamos festivála? Leago sámi- ja eamiálbmotkultuvra du váibmoášši? Háliidatgo leat fárus ráhkadeame politihkalaš festivála mii váldá birasovddasvástádusas duođalaččat? Soaitá dus duššo miella servvoštallat hávkis olbmuiguin čáppa birrasis? Riddu Bargi lea Riddu Riđđu váibmu. Riddu Bargi barget eaktodáholaččat ja eaiggádit Riddu Riđu.
Ohcanskovvái deavddát oktavuođadieđuid lassin moadde sáni iežat motivašuvnna birra; manne háliidat leat bargin min luhtte? Dus eai dárbbaš leat erenoamáš máhttut ovddalgihtii dahje kvalifikašuvnnat leat bargin min luhtte, muhto muital áinnas áššáigullevaš vásáhusaid birra mat dus leat, juogo barggu oktavuođas dahje eará eaktodáhtolaš barggus.
Giella
Midjiide lea giella dehálaš resursa, go mii dárbbašat dávjá dulkkaid. Makkár gielaid hálat don? Davvisámegiela/lullisámegiela/julevsámegiela, dárogiela, eaŋgalasgiela, vej. eará (čále áinnas guđe giela).
Mainna sáhtán bargat?
Minruovttusiiddus sáhtát lohkat eanet daid iešguđetge bargosurggiid birra. Čále áinnas skovvái dás vuolábeallái mainna don háliidivččet bargat. Mii dahkat dan maid mii sáhttit vai duhtadat du sávaldagaid.
Fuomáš ahte jus áiggut leat bargin Mánáidfestiválas, de fertet čájehit gustovaš politiijaduođaštusa ovdal festivála, ja berret sáhttit bargat suoidnemánu 13.-15. b.
Dás viidásat
Dutnje sáddejuvvo automáhtalaš duođaštus ahte mii leat ožžon du ohcama. Sádde e-poastta čujuhussii riddu@riddu.no jus dus leat jearaldagat, mii vástidat nu johtilit go vejolaš.
Illudat duinna deaivvadit!
Skjema stenger for registrering